hatheeli kaviaton se mera pala bhi pada tha
aur mainey saha tha unka tana
ki mainey unhey chhala tha
lekin jab se meri kavitaon ne mera kehna manana shuru kar diya hai
main ajeeb sa mehsoos kar raha hun
kabhi lagta hai, kuchh keh pata hun
aur kuchh ke baarey mein chup rehta hun
ab taya karna padega
kuchh adhoora kehna shreyaskar hai
ya phir bilkul chup rehna
jisko jo bhi andaza lagana hai, laga ley
aaropon ke gharondey me jab koi swapn
rahega
to, shikayat to hogi hi usko
kisee aankhon mein paley
iska nirnay ab sapney ko karney detey hain
aur ham chup chap aankhon ko band kar letey hain