Aaao dekhen apney bharat ke liye ek sapna

Thoda ho tumhara, aur thoda ho wo bas apna

Thodi si ho usmey nafasat,

Thodi si ho usme shararat

Thoda sa ho usme pyaar

Aur thoda kardey wo sabko hoshiar

Aao dekhey apney bharat ke liye ek naya sapna

Dard lagey ab apney, unkey jinhoney uthayey anginat khatrey

Koi na kahey kisne izzazat di, malham kyun jakhmon pe lagaye

Thodi si ho ab halchal,

Pad jayey unkey chain me khal

Thodi si paida ho baichaini

Thodi se kam ho jaaye parehshani

Aao aisa buney ek aakash, jisme ho paiband muhabbat ke anek

Koi rakhey apni uljhaney sambhal ke, aur koi de unko befikri se phenk

Zamana ho masti ka, umango ka, haath me haath dal chalney ka

Band ho jaayey chalan ab, kisi majboor ko, bina sharmÂ chhalney ka

Aao dekhey apney bharat ke liyey ek sapna

Thoda ho tumhara, aur thoda ho wo bas apna