dhara ka beej jheel ke pet se ugega

nischal ho, isliyey hi kya
udwalit honey par bhi shaant ho
kahin kuchh honey wala hai,
dhara ka beej jheel ke pet se ugega
kisee pyale mein neer,
bharey nayano  se girega
uski ki bhap se kisee ka hoth nahin jalega
pee jao, wish pee jao
aawaj aayi
ab koi is wish se vyarth hi nahin marega
kuchh badalega
kuch badla hai
jo shaant hai, uske bheetar ka jwalamukhi
ab duayen ban bahega
dhara ka beej
jheel ke pet se ugega