jangal mein ghar bananey ka khyal
to kai baar merey man mein bhi aaya hai
lekjin haar bar
apna janglipan
jangal ke niyamo ke layak
nahin man paya
laga bahut kuchh seekh gaya hun,
shaharon mein rah kar
jahan yadon ko deewaron par to taang saktey hai
par unka jangal nahin uga saktey
ab mein apni yadon ke beej lekar nikal pada hun
kahin padti jamin mein hi sahi,
bo aunga
tum bhi dhyan dena
agar ho sakaey to do boond paani daal
dena
waisey mere paas aansu to bahut hain
lekin jab bhi mainey yadon ko unse seencha hai
wo kuchh bad kar phir murjha si jaati hain, lagta hai
khara pan unhey raas nahin aata
ab main ansuaon ko meetha kaisey banaun