sneha mila itna saara, phir kyun man mera thoda sa khali hai
kitney hridayon ki dhadkan mein, kampan yeh kaisa bhari hai
kyu hua aaj, kya bana kaj,
jo itni ummeedein ban badal chhayi hai
kahin koi poochhey panchi se,
kya khabar nagar se laayin hain
lagta hai, shodh hua kuchh aisa
antarman ko chhua kuchh aisa
jitni bhi shikan thi maathey par,
ban muskan wahi ab sabney payi hai
chalo karey kuchh nayi shuruat
miley phir se, aur karey kuchh baat
jeevan ki manjil abhi mili nahin
phir kyun sansein alsayin hai
chalo karao prayan, taano aisi taan
bhul sabhi dard puraney,
kirno ke taron se, ab tumney
chadar swapno ki bunwayi hai