Kali tum phir na mujhey kshama karna
jalney dena
glani ki agni mein,
yuhin jyun tadapta hai, koi mrig bina jal registan mein
aur mrigtrishan ka vardaan dekar, mujhey
saza dena
kya pata, is tap se tumhara man bhar jaayey
koi pathar raam ke sparsh se shabri ban jaayey
lekin meri is jeevan mein bas ek hi abhilasha hai
tumhara krodh mujhey hi miley sabse jayada
main kahun garv se,
mujhsey hi nibhaya tumney ek vada
jab bhi kabhi kisee par gusssa aaya
tumney mujhey sotey se jagaya
aur kaha, utho, ab phir se tapney ka waqt aaya
jo bhi kamaya tha aaj tak, usko kaudi ka daam lagaya
mein bhi socha, shayad jab khali ho jaun
tumharey sneha se phir bhar paun